అక్షరటుడే, జుక్కల్: మహమ్మద్ నగర్ మండలంలోని గిర్నితండాకు చెందిన కడావత్ శంకర్(45) పాముకాటుకు గురై మృతి చెందినట్లు ఎస్సై సుధాకర్ తెలిపారు. గురువారం మధ్యాహ్నం శంకర్ తన పొలంలో పనులు చేస్తుండగా పాముకాటు వేసింది. అనంతరం స్పృహ తప్పి పడిపోయిన అతడిని తోటి రైతులు హుటాహుటిన చికిత్స నిమిత్తం బాన్సువాడ ఏరియా ఆసుపత్రికి తరలించారు. అప్పటికే మృతి చెందినట్లు వైద్యులు తెలిపారు. మృతుడికి భార్య స్వరూప, ముగ్గురు కుమారులు ఉన్నారు. ఘటనపై కేసు నమోదు చేసుకొని దర్యాప్తు చేస్తున్నట్లు ఎస్సై తెలిపారు
