అక్షరటుడే, వెబ్‌డెస్క్‌: తిరుమల శ్రీవేంకటేశ్వరస్వామి బ్రహ్మోత్సవాలలో భాగంగా మంగళవారం గరుడ సేవ జరగనుంది. ఇందుకు అన్ని ఏర్పాట్లు చేసినట్లు టీటీడీ ఈవో శ్యామల రావు తెలిపారు. తిరుమల కొండపైకి ఎక్కువ వాహనాలు రావడానికి వీల్లేదని స్పష్టం చేశారు. గరుడ సేవకు ఏపీఎస్‌ఆర్టీసీ 400కిపైగా బస్సులు నడిపేందుకు ఏర్పాట్లు చేశామన్నారు. భక్తుల భద్రతకు సంబంధించి 1,200 మంది టీటీడీ విజిలెన్స్‌ సిబ్బంది విధుల్లో ఉంటారని తెలిపారు. దాదాపు 3.50 లక్షల మంది భక్తులు వస్తారని అంచనా.
