అక్షరటుడే, వెబ్డెస్క్ : Ghibli Style AI Images | ప్రస్తుతం సోషల్ మీడియాలో ఎక్కడ చూసిన గిబ్లి స్టైల్ ఏఐ ఇమేజ్లు సందడి చేస్తున్నాయి. ఓపెన్ ఏఐ తన కొత్త GPT-4o ఇమేజ్ జనరేషన్ మోడల్‌ను ఇటీవల రిలీజ్ చేసింది. దీనికి మంచి స్పందన లభిస్తోంది. ఈ మోడల్ సహాయంతో ప్రజలు తమ చిత్రాలను అప్లోడ్ చేసి నచ్చినట్లు చేయమని అడుగుతున్నారు.
ప్రజలు తమ ఫొటోలను అప్లోడ్ చేసి, నచ్చిన ప్రాంతంలో ఉన్నట్లు పెట్టమని అడిగితే ఏఐ సాయంతో అలానే చేస్తోంది. దీంతో యూజర్లు తమకు నచ్చిన ప్రాంతాల్లో ఉన్నట్లు ఫొటోలను జనరేట్ చేసుకొని సోషల్ మీడియాలో పోస్ట్ చేస్తున్నారు. అలాగే నచ్చిన వారితో ఫొటో దిగినట్లు క్రియేట్ చేసుకుంటున్నారు. ఇందులో తమ ఫొటోలను అప్లోడ్ చేసి గిబ్లి స్టైల్లో మార్చుకొని మురిసిపోతున్నారు.
జపాన్కు చెందిన యానిమేషన్ సంస్థ గిబ్లి చిత్రాలను రూపొందించింది. 1985లో ఏర్పాటైన ఈ సంస్థ గిబ్లి స్టూడియో ద్వారా అనేక చిత్రాలను రూపొందించింది. ఇందులో ఉండే క్యారెక్టర్ల రూపంలో తాజాగా ఏఐ సాయంతో తమ ఫొటోలను మార్చుకొని నెటిజన్లు సంబుర పడుతున్నారు.
గిబ్లి స్టైల్లో ఇమేజ్లను ఎలా చేసుకోవచ్చంటే..
- మొదట chatgpt.comలో లాగిన్ అవ్వాలి.
- మోడల్ సెలక్షన్ ట్యాబ్ నుంచి GPT-4o మోడల్‌ను ఎంచుకోవాలి.
- అటాచ్ ఫైల్పై నొక్కి రీస్టైల్ చేయాలనుకుంటున్న చిత్రాన్ని అప్లోడ్ చేయాలి.
- పిక్చర్ను అప్లోడ్ చేసిన తర్వాత, దాన్ని స్టూడియో స్టైల్ ఆర్ట్గా చేయమని ChatGPTకి సూచించాలి.
