భారీగా పెరిగిన బంగారం ధరలు

అక్షరటుడే, వెబ్​డెస్క్​: పసిడి ధరలు భారీగా పెరిగాయి. రెండు రోజుల పాటు స్వల్పంగా తగ్గిన గోల్డ్​ రేట్లు బుధవారం మళ్లీ పెరిగాయి. హైదరాబాద్​ మార్కెట్​లో పది గ్రాముల 24 క్యారెట్ల బంగారం ధర రూ.920 పెరిగి రూ.82,850గా ఉంది. 22 క్యారెట్ల గోల్డ్​ రేట్ రూ.850 పెరిగి రూ.75,950కి చేరింది. కిలో వెండి రూ.1,04,000 పలుకుతోంది. గురువారం నుంచి మాఘ మాసం ప్రారంభం కానుంది. ఈ మాసంలో వివాహాలు ఉండడంతో ధరలు మరింత పెరిగే అవకాశం ఉందని విశ్లేషకులు అభిప్రాయపడుతున్నారు.