అక్షరటుడే, నిజామాబాద్‌ సిటీ: నడుస్తున్న లారీలో నుంచి ధాన్యం సంచులు జారిపడ్డాయి. ఈ ఘటన నగరంలోని బైపాస్ రోడ్డులో చోటు చేసుకుంది. వివరాల్లోకి వెళితే.. నగర శివారులోని బైపాస్ వైపు నుంచి ఖానాపూర్‌కు ధాన్యం లారీ వెళ్తుండగా లహరి హోటల్‌ సమీపంలో బుధవారం సాయంత్రం ధాన్యం సంచులు రోడ్డుపై కిందపడ్డాయి. వెంటనే ఘటనా స్థలానికి ట్రాఫిక్‌ కానిస్టేబుల్‌ మోహన్‌, నజీర్‌ చేరుకుని ధాన్యం సంచులను రోడ్డుపై నుంచి తొలగింపజేశారు. ఈ ఘటనలో ఎవరికీ ఎలాంటి ప్రమాదం జరగలేదు.
