అక్షరటుడే, వెబ్‌డెస్క్‌ : గ్రూప్‌-1 మెయిన్స్‌ పరీక్షలు సోమవారం మధ్యాహ్నం 2గంటలకు ప్రారంభమయ్యాయి. సాయంత్రం 5 గంటల వరకు పరీక్ష జరగనుంది. ఈ పరీక్షలు ఈనెల 21 నుంచి 27వ తేదీ వరకు నిర్వహించనున్నారు. రాష్ట్రవ్యాప్తంగా 46 పరీక్ష కేంద్రాల వద్ద అధికారులు ఏర్పాట్లు పూర్తి చేయగా.. పోలీసులు భారీబందోబస్తు చేపట్టారు. ఈ పరీక్షలకు 31,383 మంది అభ్యర్థులు హాజరుకానున్నారు. అన్ని కేంద్రాల వద్ద పోలీసులు బీఎన్‌ఎస్‌ఎస్‌ 163 సెక్షన్‌ విధించారు. కాగా, సుప్రీంకోర్టు కూడా గ్రూప్‌-1 పరీక్షల్లో జోక్యం చేసుకోలేమని తేల్చిచెప్పిన విషయం తెలిసిందే.
