అక్షరటుడే, వెబ్డెస్క్ : Schools | రాష్ట్రంలో ఈ నెల 15 నుంచి ఒంటిపూట బడులు నడపాలని విద్యాశాఖ నిర్ణయించింది. ఈ మేరకు ఆ శాఖ ఉన్నతాధికారులు ఆదేశాలు జారీ చేశారు. ప్రభుత్వ, ఎయిడెడ్, ప్రైవేట్ పాఠశాలల్లో ఉదయం 8 గంటల నుంచి మధ్యాహ్నం 12.30 గంటల వరకు తరగతులు నిర్వహించనున్నారు.
Schools | వారికి మాత్రం మధ్యాహ్నం
రాష్ట్రంలో మార్చి 21 నుంచి ఏప్రిల్ 2 వరకు పదో తరగతి పరీక్షలు జరగనున్నాయి. ఉదయం 9 గంటల నుంచి మధ్యాహ్నం 12:30 గంటల వరకు పరీక్షలు నిర్వహించనున్నారు. రాష్ట్ర వ్యాప్తంగా పదో తరగతి పరీక్ష కేంద్రాలు ఉన్న పాఠశాల్లలో మాత్రం మధ్యాహ్నం క్లాసులు నిర్వహించనున్నారు. మిగతా తరగతుల విద్యార్థులకు మధ్యాహ్నం నుంచి పాఠాలు చెప్పనున్నారు. ఏప్రిల్ 23 నుంచి వేసవి సెలవులు ప్రారంభం కానున్నాయి.
కాగా.. మార్చి ప్రారంభం నుంచే ఎండలు మండుతున్నాయి. పలు చోట్ల రికార్డు స్థాయిలో గరిష్ట ఉష్ణోగ్రతలు నమోదవుతున్నాయి. ఈ నేపథ్యంలో ఒంటిపూట బడులు నిర్వహించాలని సర్కారు నిర్ణయం తీసుకుంది.
