అక్షరటుడే, ఆర్మూర్: బైకుపై వెళ్తుండగా వెనుక నుంచి వచ్చిన దొంగలు చైన్ స్నాచింగ్ కు పాల్పడిన ఘటన ఏర్గట్ల మండలంలో చోటు చేసుకుంది. భార్యభర్తలిద్దరూ కమ్మర్పల్లి మండల కేంద్రం నుంచి ఏర్గట్ల వైపు వస్తుండగా.. కస్తూర్బా స్కూల్ సమీపంలో బైకుపై వెనుక నుంచి వచ్చిన స్నాచర్లు మహిళ మెడలోని చైన్ను లాక్కెళ్లారు. గమనించిన స్థానికులు దుండగులను పట్టుకునేందుకు ప్రయత్నించినా పారిపోయారు. పోలీసులు రంగంలోకి దిగి విచారణ జరుపుతున్నారు.
