అక్షరటుడే, వెబ్డెస్క్ : Heroine Supreetha | సినీ నటి సురేఖ వాణి కూతురు సుప్రీత(supreetha) సోషల్ మీడియాలో యాక్టివ్గా ఉంటుంది. ఇటీవల హీరోయిన్గా మారిన ఈ భామ తనను క్షమించాలని వేడుకుంటోంది. తన లుక్స్తో యువతను మత్తెక్కించే సుప్రీత సోషల్ మీడియా ఇన్ఫ్లూయెన్సర్గా గతంలో బెట్టింగ్ యాప్స్ను ప్రమోట్ చేసింది. బెట్టింగ్ యాప్ ప్రమోటర్లపై పోలీసులు కేసులు నమోదు చేస్తుండటంతో ఆమె స్పందించారు.
ఇటీవల భయ్యా సన్నీ యాదవ్పై పోలీసులు కేసు నమోదు చేసిన విషయం తెలిసిందే. దీంతో సుప్రీత హోలీ సందర్భంగా ఓ వీడియో రిలీజ్ చేసింది. తాను తెలియక బెట్టింగ్ యాప్స్ ప్రమోట్ చేశానని, అందుకు తనను క్షమించాలని వేడుకుంది. అంతేగాకుండా బెట్టింగ్ యాప్స్ జోలికి వెళ్లొద్దని, ఈజీ మనీకి అలవాటు కావొద్దని ఈ ముద్దుగుమ్మ సూచించింది. బిగ్బాస్ ఫేమ్ అమర్దీప్ హీరోగా నటిస్తున్న చిత్రంలో సుప్రీత హీరోయిన్గా యాక్ట్ చేస్తోంది.
