అక్షరటుడే, నిజామాబాద్‌ రూరల్‌: జక్రాన్‌పల్లి మండలం బ్రాహ్మణపల్లికి చెందిన పలువురు బీఆర్‌ఎస్‌ను వీడి కాంగ్రెస్‌లో చేరారు. నిజామాబాద్‌ రూరల్‌ ఎమ్మెల్యే భూపతిరెడ్డి సమక్షంలో బ్రాహ్మణపల్లి మాజీ సర్పంచ్‌, పద్మశాలి సంఘం మండలాధ్యక్షుడు శ్రీపతి శేఖర్‌తో పాటు పలువురు కాంగ్రెస్‌ తీర్థం పుచ్చుకున్నారు. పార్టీలో చేరిన వారిలో బీఆర్‌ఎస్‌ నాయకులు పోతె గంగాధర్‌, గూడ సాగర్‌, రణధీర్‌, ఉత్తనూరు గంగాధర్‌, మాదర్‌ సురేశ్‌, సయ్యద్‌ సాదిక్‌, గోడ ప్రవీణ్‌ తదితరులున్నారు. డీసీఎంఎస్‌ మాజీ ఛైర్మన్‌ సాయిరెడ్డి ఆధ్వర్యంలో వీరు పార్టీలో చేరగా.. ఎమ్మెల్యే కండువా కప్పి ఆహ్వానించారు.
