అక్షరటుడే, కామారెడ్డి: పట్టణంలో మైనర్ బాలికతో వ్యభిచారం చేయిస్తున్న ముగ్గురిని పోలీసులు అరెస్టు చేశారు. తల్లిదండ్రులు లేని మైనరు బాలికను దత్తత తీసుకున్న ఓ మహిళ డబ్బులకు ఆశపడి బాలికతో బలవంతంగా వ్యభిచారం చేయిస్తోంది. సంపంగి లక్ష్మి, ఆమెతో సహజీవనం చేస్తున్న సుంకరి శంకర్, శ్రీనివాస లాడ్జి ఓనర్ నరసింహారెడ్డిని పట్టణ పోలీసులు శుక్రవారం అరెస్టు చేసి రిమాడ్ కు తరలించారు. అసాంఘిక కార్యకలాపాలకు పాల్పడితే కఠిన చర్యలు తప్పవని పట్టణ సీఐ చంద్రశేఖర్ రెడ్డి హెచ్చరించారు. ఎలాంటి సమాచారం ఉన్నా తమకు ఫిర్యాదు చేయాలని పట్టణ ప్రజలను పోలీసులు కోరారు.
