అక్షరటుడే, బాన్సువాడ: బాన్సువాడ పట్టణంలో బీపీఎం కిడ్నాప్‌కు గురవ్వడం కలకలం రేపింది. టీచర్స్‌కాలనీకి చెందిన సాయినాథ్‌(55) బుడ్మి గ్రామంలో బ్రాంచ్‌ పోస్ట్‌మాస్టర్‌(బీపీఎం)గా పనిచేస్తున్నాడు. మంగళవారం ఉదయం ఇంట్లో ఉండగా.. నలుగురు దుండగులు కారులో వచ్చారు. ఇంట్లోకి చొరబడి సాయినాథ్‌ను కారులో తీసుకెళ్లిపోయారు. దీంతో భయాందోళనకు గురైన సాయినాథ్‌ భార్య వెంటనే పోలీసులకు సమాచారం అందించారు. పోలీసులు ఘటనా స్థలానికి చేరుకుని వివరాలు సేకరిస్తున్నారు. కిడ్నాప్‌కు గల పూర్తి వివరాలు తెలియాల్సి ఉంది.
