అక్షరటుడే, బోధన్: మహారాష్ట్ర ఆర్టీసీ బస్సు ద్విచక్ర వాహనాన్ని ఢీకొన్న ఘటనలో ఒకరికి తీవ్ర గాయాలైన ఘటన ఎడపల్లి మండలంలో చోటుచేసుకుంది. ఎడపల్లికి చెందిన సాయిలు గురువారం ద్విచక్ర వాహనంపై బోధన్ వైపు వెళ్తుండగా గురుకుల పాఠశాల బ్రిడ్జి వద్ద మహారాష్ట్ర బస్సు ఢీకొట్టింది. ఈ ఘటనలో సాయిలుకు తీవ్రగాయాలయ్యాయి. స్థానికులు 108 అంబులెన్స్ లో చికిత్స నిమిత్తం నిజామాబాద్ లోని ప్రైవేటు ఆస్పత్రికి తరలించారు.
