అక్షరటుడే, బాన్సువాడ: ఆధ్యాత్మికతతోనే ప్రశాంత జీవనం లభిస్తుందని, ఆంజనేయుని ఆశీస్సులు అందరిపై ఉండాలని ఎమ్మెల్యే పోచారం శ్రీనివాస్ రెడ్డి అన్నారు. కోటగిరిలోని పెద్ద హనుమాన్ మందిరంలో శనివారం ధ్వజస్థంభ ప్రతిష్ఠాపన కార్యక్రమంలో ఆగ్రో ఇండస్ట్రీస్ ఛైర్మన్ కాసుల బాలరాజ్ తో కలిసి పాల్గొన్నారు. అనంతరం ఆలయ ప్రాంగణంలో ఏర్పాటు చేసిన మినరల్ వాటర్ ప్లాంట్ ను ప్రారంభించారు. కార్యక్రమంలో బీజేపీ రాష్ట్ర ఉపాధ్యక్షుడు యెండల లక్ష్మీనారాయణ, పైడి ఎల్లారెడ్డి, మాజీ డీసీసీబీ ఛైర్మన్ పోచారం భాస్కర్ రెడ్డి తదితరులు పాల్గొన్నారు.
