అక్షరటుడే, బాన్సువాడ: సమాజంలో గురువే ప్రత్యక్ష దైవమని.. గురువును పూజిస్తే ఆ భగవంతుడిని పూజించినట్లేనని వ్యవసాయ సలహాదారు, ఎమ్మెల్యే పోచారం శ్రీనివాస్ రెడ్డి అన్నారు. పట్టణంలోని రెడ్డి సంఘంలో నిర్వహించిన గురుపూజోత్సవ కార్యక్రమంలో పోచారం మాట్లాడారు. విద్యార్థులు గురువులు చెప్పినట్లు నడుచుకుంటే ఏదైనా సాధించవచ్చన్నారు. కార్యక్రమంలో ఆగ్రో ఇండస్ట్రీస్ ఛైర్మన్ కాసుల బాలరాజ్, ఎంఈవో నాగేశ్వర్ రావు, పీఆర్టీయూ జిల్లా కార్యదర్శి కుషాల్, నాయకులు నార్ల సురేష్, కృష్ణారెడ్డి, ఏజాజ్ తదితరులు పాల్గొన్నారు.
