అక్షరటుడే, బాన్సువాడ: ప్రభుత్వ మాతా శిశు సంరక్షణ ఆస్పత్రిలో నిర్మిస్తున్న షెడ్డు నిర్మాణ పనులను వేగవంతం చేయాలని వ్యవసాయ సలహాదారు, ఎమ్మెల్యే పోచారం శ్రీనివాస్ రెడ్డి సూచించారు. ఆదివారం సాయంత్రం ఆగ్రో ఇండస్ట్రీస్ ఛైర్మన్ కాసుల బాలరాజ్ తో కలిసి పనులను పరిశీలించారు. పనుల్లో అలసత్వం వహించవద్దని, నాణ్యతా ప్రమాణాలతో నిర్మించాలని గుత్తేదారులని ఆదేశించారు. రోగులకు ఎలాంటి ఇబ్బందులు తలెత్తకుండా చర్యలు తీసుకోవాలని వైద్య సిబ్బందికి సూచించారు.
