అక్షరటుడే, ఇందూరు: దాశరథి అద్భుతమైన భావ కవి అని ఎమ్మెల్సీ, తెలంగాణ వాగ్గేయకారుడు గోరేటి వెంకన్న అన్నారు. నగరంలోని టీఎన్జీవోస్‌ భవన్‌లో ఆదివారం దాశరథి జయంతి నిర్వహించారు. ఈ సందర్భంగా ఆయన మాట్లాడుతూ.. ఏ మత గ్రంథాల్లో లేని మానవత విషయాలను కవితల రూపంలో చెప్పిన మహాకవి దాశరథి అని పేర్కొన్నారు. మానవీయ సమాజాన్ని స్వప్నించి రచనలు చేసిన కృష్ణమాచార్యులు అందరికీ ఆదర్శనీయులన్నారు. వ్యవహారిక సత్యాన్ని తన రచనల రూపంలో చెప్పారన్నారు. కార్యక్రమంలో కవులు పాల్గొన్నారు.
