అక్షరటుడే, కోటగిరి: కామారెడ్డిలో ఈనెల 28న జరిగే హలో మాదిగ.. చలో కామారెడ్డి కార్యక్రమాన్ని విజయవంతం చేయాలని ఎమ్మార్పీఎస్‌ బాన్సువాడ నియోజకవర్గ ఇన్‌ఛార్జి పోచీరాం పిలుపునిచ్చారు. పోతంగల్‌ మండల కేంద్రంలో ఏర్పాటు చేసిన కార్యక్రమంలో ఆయన మాట్లాడారు. మాదిగల ధర్మ యుద్ధం మహాజన సభ కార్యక్రమానికి కోటగిరి, పోతంగల్‌ మండలాల నుంచి కార్యకర్తలు భారీగా తరలిరావాలని పిలుపునిచ్చారు. ఈ సందర్భంగా సామాజిక సేవకర్త ఎంఏ హకీమ్‌ ను ఎమ్మార్పీఎస్‌ నాయకులు సన్మానించారు. కార్యక్రమంలో ఎమ్మార్పీఎస్‌ నాయకులు పాల్గొన్నారు.
