అక్షరటుడే, వెబ్‌డెస్క్‌ : మాజీమంత్రి కేటీఆర్‌పై ఎంపీ చామల కిరణ్‌కుమార్‌ రెడ్డి ఘాటు వ్యాఖ్యలు చేశారు. ‘మూసీలో మూడు రోజులు ఉండాలని, అక్కడ ఉండే వారి బాధ మీకు తెలుస్తుంది అంటే ఉలిక్కిపాటు ఎందుకు డ్రామారావు’ అని ప్రశ్నించారు. ఈమేరకు ఆయన ఎక్స్‌వేదికగా స్పందించారు. ‘కేటీఆర్‌ ఆన్‌లైన్‌, బీఆర్‌ఎస్‌ పార్టీ ఆఫ్‌లైన్‌, కేసీఆర్‌ ఫ్లైట్‌ మోడ్‌’ అని ఆయన పోస్టు చేశారు. మూసీ ప్రక్షాళనతో హైదరాబాద్‌ రూపురేఖలు మారిపోతాయన్నారు. మూసీ నది పరిరక్షణ మన అందరి బాధ్యత అని పేర్కొన్నారు. హైదరాబాద్‌ను అన్ని రంగాల్లో అభివృద్ధి పరిచి ప్రకృతి వైపరీత్యాల వల్ల ప్రజలకు ఇబ్బంది కలగకుండా గ్లోబల్‌ సిటీగా తీర్చిదిద్డాడమే కాంగ్రెస్‌ పార్టీ లక్ష్యమన్నారు. ఢిల్లీకి డబ్బు సంచులు పంపకుండానే చెల్లి తీహార్‌ జైలు నుంచి హైదరాబాద్‌ వచ్చిందా అని ప్రశ్నించారు. 24 గంటలు ‘ఎక్స్’లో పోస్టులు చేస్తే, సినిమా వాళ్లతో సంబంధాలు ఉంటేనే నాలెడ్జ్‌ ఉన్నట్లు కాదు డ్రామారావు అని ఆయన వివాదస్పద వ్యాఖ్యలు చేశారు.
