అక్షరటుడే, ఎల్లారెడ్డి: లింగంపేట మండలం ఎక్కపల్లి తండాకు చెందిన నేనావత్ సర్దార్(31) అదృశ్యం కాగా.. బుధవారం పంటపొలంలో మృతదేహం లభ్యమైనట్లు ఎస్సై అరుణ్ కుమార్ తెలిపారు. సర్దార్ గత నెల 31న కామారెడ్డిలో భార్యను చూసి వస్తానని ఇంట్లో చెప్పి వెళ్లి బయటకు వెళ్లి తిరిగి రాలేదు. సోదరుడు సంతోష్ ఫిర్యాదు మేరకు కేసు నమోదు చేసి దర్యాప్తు చేయగా.. లింగంపేట్ సమీపంలో మృతదేహం లభ్యమైనట్లు ఎస్సై పేర్కొన్నారు. మృతదేహాన్ని పోస్టుమార్టం నిమిత్తం ఎల్లారెడ్డి ఏరియా ఆస్పత్రికి తరలించినట్లు తెలిపారు.
