అక్షరటుడే, ఇందూరు: నిజామాబాద్‌ జిల్లా కేంద్రంలోని పెద్దబజార్‌ చౌరస్తా వైన్స్‌ ముందు గురువారం సాయంత్రం ఓ వ్యక్తి హంగామా చేశాడు. తాగిన మైకంలో సుమారు రెండు గంటల పాటు రోడ్డుపై రాళ్లను విసిరాడు. దీంతో ఆ ప్రాంతంలో ట్రాఫిక్‌ జామ్‌ అయింది. స్థానికులు డయల్‌ 100కు కాల్‌ చేయడంతో పోలీసులు వచ్చి కాసేపు సముదాయించి వెళ్లిపోయారు. కొంత సేపటికి అతడు మళ్లీ రాళ్లు విసురుతూ.. మరో గంటపాటు హంగామా సృష్టించాడు. చౌరస్తాలోని వైన్స్‌ వద్ద తరచూ ఇలాంటి ఘటనలు చోటు చేసుకుంటున్నాయని స్థానికులు ఆరోపిస్తున్నారు.
