అక్షరటుడే, వెబ్డెస్క్ : Instagram | తొమ్మిదో తరగతి చదువుతున్న ఓ బాలుడు 32 ఫేక్ ఇన్స్టాగ్రామ్ ఐడీలను తయారు చేసుకున్నాడు. అంతేగాకుండా వాటితో తన క్లాస్లోని అమ్మాయిలకు మెసేజ్లు చేస్తూ ప్రేమించాలని వేధించాడు. లేదంటే వారి నంబర్లు, ఫొటోలు, వీడియోలు బయటపెడతానని బెదిరించాడు. ఈ ఘటన కడప జిల్లాలో చోటు చేసుకుంది.
కడప(Kadapa) జిల్లా ప్రొద్దుటూరు మండల పరిధిలోని ఓ పాఠశాలలో 9వ తరగతి చదువుతున్న బాలుడు 32 ఫేక్ ఇన్స్టాగ్రామ్(Fake Instagram) ఐడీలతో అదే పాఠశాలలో చదువుతున్న బాలికలకు అసభ్యకర మెసేజులు పంపేవాడు. తనను ప్రేమించాలని లేదంటే మీ నంబర్లు, ఫొటోలు, వీడియోలను అందరికీ పంపిస్తానని బెదిరించాడు.
ఈ విషయం బాలుడి తల్లిదండ్రులకు తెలిసినా మందలించకపోగా, ప్రోత్సహించారు. అంతేగాకుండా బాలికలను బాలుడి తల్లి, కౌన్సిలర్ బెదిరించారు. దీంతో బాలికల తల్లిదండ్రులు పోలీసులకు ఫిర్యాదు చేశారు. దీంతో బాలుడితో పాటు అతని తల్లిదండ్రులు, కౌన్సిలర్పై పోలీసులు పోక్సో(Pocso) కేసు నమోదు చేశారు.
