అక్షరటుడే, నిజామాబాద్ అర్బన్: నగరంలోని చంద్రశేఖర్ కాలనీ బైపాస్ రోడ్డు వద్ద బుధవారం రెండు కిలోల గంజాయిని పట్టుకున్నట్లు ఎక్సైజ్ ఇన్ స్పెక్టర్ వెంకటేశ్ తెలిపారు. నిజామాబాద్ కు చెందిన బాబా ఖాన్, సంగారెడ్డి జిల్లా బీబీపేట గ్రామానికి చెందిన కేతావత్ కిషన్ ద్విచక్ర వాహనంపై గంజాయి తరలిస్తున్నారన్న పక్కా సమాచారం మేరకు నిందితులను అదుపులోకి తీసుకుని విచారించారు. వారి నుంచి గంజాయి నిల్వలు సీజ్ చేసి కేసు నమోదు చేశారు. సిబ్బంది నరసింహాచారి, నారాయణరెడ్డి, భోజన్న, ఉత్తమ్, అవినాష్, విష్ణు పాల్గొన్నారు.
