అక్షరటుడే, ఇందూరు: స్కూల్ గేమ్స్ ఫెడరేషన్ కార్యదర్శిగా ఎడపల్లి మండలం జానకంపేట ఉన్నత పాఠశాల ఫిజికల్ డైరెక్టర్ నాగమణి నియమితులయ్యారు. ఈ మేరకు డీఈవో దుర్గాప్రసాద్ గురువారం ఉత్తర్వులు జారీ చేశారు. ఆమె రెండేళ్ల పాటు పదవిలో కొనసాగనున్నారు. ఇటీవల జరిగిన ఎస్జీఎఫ్ సమావేశంలో ప్రస్తుత కార్యదర్శి సంగీత్ రావుతో వ్యాయామ ఉపాధ్యాయ సంఘాల నాయకులకు వివాదం నెలకొంది. ఈ విషయమై “అక్షరటుడే”లో వరుస కథనాలు వచ్చాయి. దీంతో డీఈవో దుర్గాప్రసాద్ స్పందించి నూతన కార్యదర్శి నియామకాన్ని చేపట్టారు.
