అక్షరటుడే, జుక్కల్‌: ఓ వైపు జిల్లాలోని పలు ప్రాంతాల్లో భారీ వర్షాలు కురుస్తున్నా.. మరికొన్ని చోట్ల వరుణుడు ముఖం చాటేశాడు. దీంతో ఎన్నో ఆశలతో పంటలు సాగు చేసిన రైతులు పంటలు కాపాడుకోవడానికి నానా తిప్పలు పడుతున్నారు. పిట్లం మండలంలోని తిమ్మానగర్‌కు చెందిన రైతు కుమ్మరి శేఖర్‌ వరి పంట సాగు చేయగా, సరైన వర్షాలు లేక పంట ఎండుతోంది. దీంతో చేసేది లేక అద్దె వాటర్‌ ట్యాంకర్‌తో ఇలా పంటకు నీరు పడుతున్నాడు. వర్షాలు సమృద్ధిగా కురిస్తేనే పంటలు గట్టెక్కుతాయని అంటున్నాడు.
