అక్షరటుడే, భిక్కనూరు : అనంత చతుర్దశి సందర్భంగా.. జిల్లాలో ప్రసిద్ధిగాంచిన భిక్కనూరు అనంత పద్మనాభ స్వామి ఆలయంలో మంగళవారం ప్రత్యేక పూజలు నిర్వహించారు. వేద బ్రాహ్మణుడు జయప్రకాశ్ శర్మ ఆధ్వర్యంలో అనంత పద్మనాభ స్వామి విగ్రహానికి పంచామృత అభిషేకాలు నిర్వహించారు. అనంతరం పలువురు భక్తులు అనంత కోటి వత్తులను వెలిగించారు. వేకువ జామున నుంచే భక్తులు ఆలయంలో బారులు తీరారు. హైదరాబాద్, కరీంనగర్, మెదక్, తదితర జిల్లాల నుంచి భక్తులు తరలివచ్చి పూజలు చేశారు.
