అక్షరటుడే, జుక్కల్: నిజాంసాగర్ కళాశాలలో అధ్యాపకుడి పోస్టు ఎట్టకేలకు భర్తీ అయింది. దీంతో కళాశాల విద్యార్థులు హర్షం వ్యక్తం చేస్తున్నారు. రెండు రోజులుగా కళాశాలకు తాళం అంటూ ఈ నెల మూడో తేదీన ‘అక్షర టుడే’లో కథనం ప్రచురితం కావడంతో విద్యాశాఖ అధికారులు స్పందించారు. నిజాంసాగర్ జూనియర్ కళాశాలకు శాశ్వత ప్రతిపాదికన కెమిస్ట్రీ అధ్యాపకుడి పోస్టును భర్తీ చేస్తున్నట్లు ఉత్తర్వులు జారీ చేశారు. దీంతోపాటు బీబీపేట్ కళాశాలలో కెమిస్ట్రీ, ఇంగ్లిష్, నాగిరెడ్డిపేట కళాశాలలో ఎకనామిక్స్, మ్యాథ్స్ మొత్తం జిల్లాలోని మూడు కళాశాలలకు శాశ్వత ప్రతిపాదికన ఐదుగురు అధ్యాపకులను భర్తీ చేశారు. ఈ సందర్భంగా నిజాంసాగర్ కళాశాల ఇన్ ఛార్జి ప్రిన్సిపల్ హసన్ ఫరూక్ ను వివరణ కోరగా కళాశాలకు శాశ్వత ప్రతిపాదికన అధ్యాపకుడి పోస్టు భర్తీ అయిందని తెలిపారు.
