అక్షర టుడే, నిజామాబాద్‌ రూరల్‌ : తెయూ పరిధిలోని డిగ్రీ విద్యార్థులు జవాబు పత్రాల రీవాల్యుయేషన్‌కు వర్సిటీ అధికారులు బుధవారం నోటిఫికేషన్‌ విడుదల చేశారు. సీబీసీఎస్‌ ఒకటి నుంచి ఆరు సెమిస్టర్‌(బ్యాక్‌లాగ్‌)తోపాటు ఒకటి, రెండో సెమిస్టర్లకు (వైడబ్ల్యూఎస్‌) సంబంధించి జూలై, ఆగస్టు 2024 పరీక్షకు హాజరైన విద్యార్థులు మాత్రమే రీవాల్యుయేషన్‌కు దరఖాస్తుకు అర్హులని వర్సిటీ పరీక్షల నియంత్రణ అధికారి ఎం అరుణ తెలిపారు. ఒక్కో పేపర్‌ రూ.500, రీవాల్యుయేషన్‌ ఫామ్‌కు రూ.25 చెల్లించాల్సి ఉంటుందని, ఈనెల 23వరకు గడువు ఉంటుందన్నారు. పూర్తి వివరాలకు తెయూ వెబ్‌సైట్‌ సందర్శించాలన్నారు.
