అక్షరటుడే, నిజామాబాద్ రూరల్ : జక్రాన్ పల్లి మండలంలోని సికింద్రాపూర్ గ్రామ శివారులో జాతీయ రహదారిపై గుర్తు తెలియని వాహనం ఢీకొన్న ఘటనలో ఒకరు మృతి చెందారు. ఆర్మూర్ పట్టణ పరిధిలోని పెర్కిట్ కు చెందిన మహమ్మద్ సోహెల్ (20) శుక్రవారం ఉదయం 4 గంటలకు స్కూటీపై ఆర్మూర్ వైపు వెళుతుండగా సికింద్రాబాద్ గ్రామ శివారులో గుర్తు తెలియని వాహనం ఢీకొంది. దీంతో సోహెల్ అక్కడికక్కడే మృతి చెందాడు. సంఘటన స్థలాన్ని డిచ్ పల్లి సీఐ మల్లేశ్ పరిశీలించారు. మృతుడి తండ్రి మహమ్మద్ ఫిర్యాదు మేరకు కేసు నమోదు చేసినట్లు తెలిపారు.
