అక్షరటుడే, ఇందూరు: URBAN MLA | ఉస్మానియా యూనివర్సిటీకి సురవరం ప్రతాపరెడ్డి పేరు పెట్టాలని నిజామాబాద్ అర్బన్ ఎమ్మెల్యే ధన్పాల్ సూర్యనారాయణ పేర్కొన్నారు. అసెంబ్లీలో బడ్జెట్ సమావేశాల్లో భాగంగా ఆయన ప్రసంగించారు. అలాంటి మహనీయుడి పేరు చిరస్థాయిలో నిలవాలంటే యూనివర్సిటీకి ఆయన పేరు పెట్టాలని సూచించారు.
URBAN MLA | పొట్టిశ్రీరాములు పేరు తొలగించడాన్ని వ్యతిరేకిస్తున్నాం..
తెలుగు యూనివర్సిటీకి పొట్టి శ్రీరాములు పేరు తొలగించడాన్ని తాము తీవ్రంగా వ్యతిరేకిస్తున్నామని ధన్పాల్ పేర్కొన్నారు. ఇది తెలుగు ప్రజల మనోభావాలను దెబ్బతీసే ఒక అవివేకపు చర్య అని అభివర్ణించారు. పేరుమార్పుపై ప్రభుత్వం పురాలోచించాలని సూచించారు.
URBAN MLA | ఆయన త్యాగం మరువలేనిది..
పొట్టి శ్రీరాములు కేవలం ఒక ప్రాంతానికే పరిమితం కాదని, దేశం గర్వించే మహనీయుల్లో ఒకరని ఎమ్మెల్యే ధన్పాల్ సూచించారు. స్వాతంత్య్ర పోరాటంలో గాంధీతో కలిసి పనిచేసి, ఖాదీ ఉద్యమం, ఉప్పు సత్యాగ్రహం, క్విట్ ఇండియా ఉద్యమాల్లో కీలక పాత్ర పోషించారన్నారు.
