అక్షరటుడే, నిజామాబాద్‌రూరల్‌: తెలంగాణ యూనివర్సిటీలో ఈ నెల 9వ తేదీన జాబ్‌మేళా నిర్వహించనున్నట్లు ప్లేస్‌మెంట్‌ సెల్‌ డైరెక్టర్‌ పాత నాగరాజు తెలిపారు. తెలంగాణ యూనివర్సిటీ, తెలంగాణ అకాడమీ ఆఫ్‌ స్కిల్‌ అండ్‌ నాలెడ్జ్‌ ఆధ్వర్యంలో మేళా నిర్వహిస్తున్నట్లు పేర్కొన్నారు. వర్సిటీలో పీజీ ఫైనలియర్‌ చదువుతున్న విద్యార్థులు అర్హులన్నారు. డీఎస్‌ టెక్నాలజీస్‌ కంపెనీలో టెక్నికల్‌ రిక్రూటర్‌, బిజినెస్‌ డెవలప్‌మెంట్‌ ఎగ్జిక్యూటివ్‌, డిజిటల్‌ మార్కెటింగ్‌లో పోస్టులను భర్తీ చేయనున్నట్లు పేర్కొన్నారు. ఆసక్తి గల విద్యార్థులు 8వ తేదీలోపు ప్లేస్‌మెంట్‌ సెల్‌లో వివరాలు నమోదు చేసుకోవాలని సూచించారు.
