అక్షరటుడే, నిజామాబాద్ సిటీ: ఏటీఎంలో చోరీకి యత్నించిన వ్యక్తిని పోలీసుల అరెస్ట్ చేశారు. ఈ ఘటన ఆదివారం రాత్రి నగరంలోని సీతారాంనగర్ కాలనీలో చోటు చేసుకుంది. ఎడపల్లి మండలం పోచారం గ్రామానికి చెందిన మహేందర్ కాలనీలో గల ఎస్బీఐ ఏటీఎం క్యాష్ బాక్స్ పగలగొట్టడానికి యత్నించాడు. అలారం మోగడంతో బ్యాంక్ సిబ్బంది పోలీసులకు సమాచారం ఇచ్చారు. పెట్రోలింగ్ చేస్తున్న కానిస్టేబుళ్లు అక్కడికి వెళ్లేసరికి నిందితుడు ఏటీఎం పగలగొడుతున్నాడు. అతనిని పట్టుకొని స్టేషన్‌కు తరలించినట్లు పోలీసులు తెలిపారు.
