అక్షరటుడే, వెబ్‌డెస్క్‌ : రాష్ట్రపతి ద్రౌపది ముర్ము ఒక రోజు పర్యటన నిమిత్తం ఇవాళ హైదరాబాద్‌కు విచ్చేశారు. బేగంపేట విమానాశ్రయంలో ముర్ముకు గవర్నర్‌ జిష్ణుదేవ్‌ వర్మ, సీఎం రేవంత్‌రెడ్డి, మంత్రులు సీతక్క, పొన్నం, సీఎస్‌, నగర మేయర్‌, అధికారులు ఘన స్వాగతం పలికారు. మేడ్చల్‌ జిల్లా శామీర్‌పేటలోని నల్సార్‌ లా యూనివర్సిటీ 21వ స్నాతకోత్సవానికి ముఖ్య అతిథిగా హాజరుకానున్నారు. అనంతరం బొల్లారంలోని రాష్ట్రపతి నివాసంలో భారతీయ కళామహోత్సవాన్ని ప్రారంభించనున్నారు. రాష్ట్రపతి పర్యటన సందర్భంగా ఎలాంటి ఇబ్బందులు లేకుండా ప్రభుత్వం అన్ని ఏర్పాట్లు చేసింది.
