అక్షరటుడే, ఇందూరు: పర్యావరణ పరిరక్షణలో భాగంగా మొక్కలు నాటి వాటిని సంరక్షించాలని గిరిరాజ్ ప్రభుత్వ డిగ్రీ కళాశాల ప్రిన్సిపాల్ రామ్మోహన్ రెడ్డి తెలిపారు. గురువారం కళాశాల ఆవరణలో ఎన్ సీసీ కేడేట్లతో కలిసి మొక్కలు నాటారు. ఈ సందర్భంగా ఆయన మాట్లాడుతూ.. ప్రతి మొక్కను పరిరక్షించుకోవాల్సిన బాధ్యత అందరిపై ఉందన్నారు. కేవలం పాఠశాల, కళాశాల ఆవరణలోనే కాకుండా కాలనీలలోనూ మొక్కలను నాటాలని విద్యార్థులకు పిలుపునిచ్చారు. ఎన్ సీసీ ఆఫీసర్ డాక్టర్ రామస్వామి, వైస్ ప్రిన్సిపాల్ రంగరత్నం, అధ్యాపకులు స్వామి, బాలమణి తదితరులు పాల్గొన్నారు.
