Nizam sagar : హాస్టల్​లో సమస్యలు పరిష్కరించాలి

అక్షరటుడే, నిజాంసాగర్: Nizam sagar : నిజాంసాగర్ వెనుకబడిన తరగతుల వసతి గృహంలో నెలకొన్న సమస్యలను వెంటనే పరిష్కరించాలని బీసీ సంక్షేమ సంఘం కామారెడ్డి జిల్లా అధ్యక్షుడు చింతల శంకర్ డిమాండ్ చేశారు. బుధవారం వసతి గృహాన్ని ఆయన సందర్శించి మాట్లాడారు. తాగునీరు సరిగ్గా లేదని, బాత్​రూంలు క్లీన్​గా లేవన్నారు. హాస్టల్​ భవనం పైకప్పు పెచ్చులు ఊడి పడుతున్నాయని ఆవేదన వ్యక్తం చేశారు. ఇన్​ఛార్జి వార్డెన్​ ఉండడంతో పర్యవేక్షణ కరువైందన్నారు. వసతి గృహంలో నెలకొన్న సమస్యలను పరిష్కరించడంతోపాటు మెనూ ప్రకారంగా భోజనాన్ని అందించాలని డిమాండ్ చేశారు. లోక సంతోష్, శ్రవణ్ కుమార్ గౌడ్, ఆకుల లక్ష్మణ్ యాదవ్, నాగరాజు, గాజుల చంద్రశేఖర్, అఫ్రోజ్​ పాల్గొన్నారు.