అక్షరటుడే, ఆర్మూర్: పట్టణంలోని ఆదర్శ పాఠశాలలో ఆదివారం తపాలా శాఖ ఆధ్వర్యంలో విద్యార్థులకు క్విజ్ పోటీలు నిర్వహించారు. పోస్టల్ సీనియర్ సూపరింటెండెంట్ జనార్దన్ రెడ్డి మాట్లాడుతూ.. విద్యార్థుల్లో ప్రతిభను వెలికి తీసేందుకు తపాలా శాఖ ఆధ్వర్యంలో దీన్ దయాల్ స్పార్ష్ యోజన పేరిట రాష్ట్రస్థాయి జనరల్ నాలెడ్జ్ పోటీ పరీక్ష నిర్వహించినట్లు తెలిపారు. కార్యక్రమంలో పోస్టల్ ఇన్ స్పెక్టర్ శ్రావణ్, ఆర్మూర్ పోస్ట్ మాస్టర్ కిషన్ నాయక్, విజయ్ కుమార్, సురేందర్ పాఠశాల ఉపాధ్యాయులు, సిబ్బంది పాల్గొన్నారు.
