అక్షరటుడే, వెబ్ డెస్క్: రైలులో అక్రమంగా తరలిస్తున్న నల్ల బెల్లం, పటిక సంచులను రైల్వే పోలీసులు పట్టుకున్నారు. ఆపరేషన్ సతర్క్ లో భాగంగా నిజామాబాద్ ఆర్పీఎఫ్, జీఆర్పీ ప్రత్యేక బృందాలు 17057 నంబర్ ట్రైన్ లో తనిఖీ చేయగా, ఓ భోగిలో సీటు కింద మూడు నల్ల బెల్లం సంచులు, ఏడు పటిక సంచులున్నట్లు గుర్తించారు. దీంతో వాటిని స్వాధీనం చేసుకొని నిజామాబాద్ ఆర్పీఎఫ్ పోస్టుకు తరలించారు. వీటి విలువ రూ.19,600 ఉంటుందని సీఐ సుబ్బారెడ్డి తెలిపారు. తదుపరి చర్యల నిమిత్తం ఎక్సైజ్ పోలీసులకు అప్పగించారు.
