అక్షరటుడే, వెబ్‌డెస్క్‌: యూట్యూబర్, ఫోక్ సింగర్, రైటర్ మల్లిక్ తేజపై రేప్ కేసు నమోదైంది. అవకాశాల పేరుతో తనను లైంగికంగా వేధించాడని ఓ యువతి మల్లిక్ తేజపై పోలీసులకు ఫిర్యాదు చేసింది. యూట్యూబ్‌లో ఫోక్ సింగర్‌గా గుర్తింపు తెచ్చుకున్న సదరు యువతి తనను మల్లిక్ తేజ ఎమోషనల్ బ్లాక్ మెయిల్ చేసి, అత్యాచారం చేశాడని ఫిర్యాదులో పేర్కొంది. తన యూట్యూబ్ ఛానల్, ఇన్‌స్టాగ్రామ్ ఐడీల పాస్‌వర్డ్ మార్చి వేధిస్తున్నాడని ఆమె ఫిర్యాదు చేసింది. ఈ మేరకు జగిత్యాల పోలీసులు కేసు నమోదు చేశారు. కాగా మల్లిక్ తేజ ఎన్నో సూపర్ హిట్ ఫోక్ సాంగ్స్ రాశాడు. వీరిద్దరూ చాలా పాటల్లో కలిసి నటించారు.
