అక్షరటుడే, బోధన్‌: బోధన్‌ పట్టణంలోని స్థానిక బసవతారకనగర్‌లో గల అంగన్‌ వాడీ కేంద్రంలో ఆరు సంచుల పీడీఎస్‌ బియ్యం, ఒక యూనిట్‌ మంచి నూనె ప్యాకెట్లు చోరీకి గురయ్యాయి. వర్షాకాలం కావడంతో కేంద్రంలో పెచ్చులూడి పడుతుండడంతో పిల్లలను సమీపంలోని మరో కేంద్రానికి తరలించారు. పిల్లలకు అక్కడ బోధన చేస్తుండగా.. వంటకు సంబంధించిన వస్తువులను ఇక్కడే భద్రపరుస్తున్నారు. అయితే శుక్రవారం కోడిగుడ్ల స్టాక్‌ రావడంతో కేంద్రంలో పెట్టిద్దామని నిర్వాహకురాలు తాళం తీయగా బియ్యం సంచులు, 16 నూనె ప్యాకెట్స్‌ కనిపించలేదు. దీంతో పోలీసులకు సమాచారం ఇవ్వడంతో వారు ఘటనా స్థలానికి చేరుకుని పరిశీలించారు. ఘటనకు సంబంధించి పూర్తి వివరాలు తెలియాల్సి ఉంది.
