అక్షరటుడే, ఆర్మూర్: ఆర్మూర్ నవనాథ సిద్దుల గుట్టపై దేవీ నవరాత్రి ఉత్సవాల సందర్భంగా సోమవారం దుర్గామాత ఆలయంలో అమ్మవారికి అభిషేకాలు, పల్లకీ సేవ నిర్వహించారు. సిద్దుల గుట్ట గుహలోని శివలింగానికి, రామాలయం, దత్తాత్రేయ, అయ్యప్ప స్వామి ఆలయాల్లో ప్రత్యేక పూజలు చేశారు. అనంతరం భక్తులకు అన్నదానం నిర్వహించారు. కార్యక్రమంలో ఆలయ కమిటీ సభ్యులు సుమన్, పీసీ గంగారెడ్డి, మల్లయ్య, జిమ్మీ రవి, సంధ్య, బట్టు శంకర్, శ్రీనివాస్, ప్రశాంత్ గౌడ్, కొంత మురళి పాల్గొన్నారు.
