అక్షరటుడే, బాన్సువాడ: రుద్రూర్ మండల కేంద్రంలోని ఓ స్వీట్ దుకాణంలో యువకుడు ఉరివేసుకొని ఆత్మహత్యకు పాల్పడినట్లు ఎస్సై అప్పారావు తెలిపారు. స్వీట్ షాపులో పనిచేస్తున్న కైలాష్ అదే దుకాణంలో ఆత్మహత్య చేసుకున్నాడు. మంగళవారం ఉదయం ఎనిమిది గంటలకు యజమాని ఈ విషయాన్ని గుర్తించి పోలీసులకు సమాచారం ఇచ్చాడు. ఆత్మహత్యకు గల కారణాలు తెలియాల్సి ఉంది. కేసు నమోదు చేసుకుని విచారణ చేపడుతున్నట్లు ఎస్సై తెలిపారు.
