అక్షరటుడే, బాన్సువాడ : మహిళలు ఆర్థికంగా ఎదిగినప్పుడే సమాజం అభివృద్ధి చెందుతుందని రాష్ట్ర వ్యవసాయ సలహాదారు, ఎమ్మెల్యే పోచారం శ్రీనివాస్ రెడ్డి అన్నారు. పట్టణంలోని మున్సిపల్ కార్యాలయంలో ఇందిరా మహిళా శక్తి క్యాంటీన్ ను గురువారం ఆగ్రో ఇండస్ట్రీస్ కార్పొరేషన్ చైర్మన్ కాసుల బాలరాజ్, సబ్ కలెక్టర్ కిరణ్మయితో కలిసి ప్రారంభించారు. ఈ సందర్భంగా మాట్లాడుతూ.. మహిళా సంఘాల సభ్యులకు ప్రభుత్వం అందిస్తున్న రుణాలను సద్వినియోగం చేసుకోవాలన్నారు. కార్యక్రమంలో మున్సిపల్ ఛైర్మన్ జంగం గంగాధర్, కమిషనర్ శ్రీహరి రాజు, నార్ల సురేష్, కృష్ణారెడ్డి, ఖలేక్, ఎజాజ్, దాసరి శ్రీనివాస్, తదితరులు పాల్గొన్నారు.
