అక్షరటుడే, బాన్సువాడ: విద్యార్థులకు చదువుతో పాటు క్రీడలు కూడా ముఖ్యమేనని రాష్ట్ర ఆగ్రో ఇండస్ట్రీస్ చైర్మన్ కాసుల బాలరాజ్ అన్నారు. పట్టణంలోని మినీ స్టేడియంలో శుక్రవారం నిర్వహించిన బహుమతుల ప్రదానోత్సవం కార్యక్రమానికి ఆయన ముఖ్య అతిథిగా హాజరై మాట్లాడారు. బాన్సువాడలో క్రీడా పోటీల నిర్వహణకు తనవంతు సహకారం ఎల్లప్పుడూ అందిస్తానని హామీఇచ్చారు. నియోజకవర్గంలో మినీ స్టేడియం ఏర్పాటుకు కృషి చేసిన ఎమ్మెల్యే పోచారం శ్రీనివాస్‌రెడ్డికి ధన్యవాదాలు తెలిపారు. క్రీడా పోటీల్లో విజయం సాధించిన జట్లకు బహుమతులు అందజేశారు. కబడ్డీలో బాలికల ఆశ్రమ పాఠశాల ప్రథమ, బోర్లం గురుకుల పాఠశాల ద్వితీయ బహుమతి, వాలీబాల్‌లో సింధు విద్యాలయం ప్రథమ, బుడ్మి జడ్పీ ఉన్నత పాఠశాల ద్వితీయ స్థానంలో నిలిచాయి. మున్సిపల్ చైర్మన్ గంగాధర్, నాయకులు అంజిరెడ్డి, ఖాలేఖ్, గోపాల్ రెడ్డి, శ్రీధర్, హాకీమ్ తదితరులు పాల్గొన్నారు.
