అక్షరటుడే, కామారెడ్డి : గ్రామ పంచాయతీలకు ఎన్నికల నేపథ్యంలో జిల్లా ఎన్నికల అధికారి, కలెక్టర్‌ ఆశిష్‌ సంగ్వాన్‌ నేతృత్వంలో ఓటరు తుదిజాబితా రూపొందించారు. ఈ మేరకు శనివారం అదనపు కలెక్టర్‌ శ్రీనివాస్‌రెడ్డి, డీపీవో శ్రీనివాస్‌ తుదిజాబితా ప్రకటించారు. జిల్లాలోని గ్రామపంచాయతీల్లో మొత్తం 6,36,362 మంది ఓటర్లు ఉండగా, వీరిలో 3,06,560 మంది పురుషులు, 3,29,787 మంది మహిళలు, ఇతరులు 15 మంది ఉన్నారు. ఈ మేరకు అన్ని గ్రామ పంచాయతీల్లో ఫొటోతో కూడిన ఓటరు తుది జాబితా ప్రచురించినట్లు వారు తెలిపారు. కార్యక్రమంలో డీఎల్‌పీవో పీవీ శ్రీనివాస్‌ పాల్గొన్నారు.
