అక్షరటుడే, వెబ్‌డెస్క్‌: డిచ్‌పల్లిలోని శ్రీ విఘ్నేశ్వర శివ ఆంజనేయ ఆలయంలో ఆదివారం శివ పార్వతుల కల్యాణోత్సవం కనులపండువగా నిర్వహించారు. ఆలయ నిర్మాణకర్త ఎర్రం పోశెట్టి ఆధ్వర్యంలో కార్తీక ఉత్సవాలు జరుగుతుండగా.. ఇందులో భాగంగా ముందుగా యజ్ఞం నిర్వహించారు. అనంతరం వేద పండితుల మంత్రోచ్ఛరణ మధ్య కల్యాణం జరిపించారు. భూమయ్య మహారాజ్‌ గాన కచేరీ అలరించింది. కార్యక్రమంలో దాతలు కొత్తపేట మురళి, కంకణాల సంతోష్, భక్తులు పాల్గొన్నారు.
