అక్షరటుడే, ఆర్మూర్: పట్టణ పరిధిలోని భోజన్న తోటలో పేకాట స్థావరంపై దాడి చేసి ఆరుగురిని అరెస్ట్ చేసినట్లు టాస్క్ ఫోర్స్ సీఐ అంజయ్య తెలిపారు. పక్కా సమాచారం మేరకు దాడి చేయగా.. పేకాడుతూ ఆరుగురు పట్టుబడినట్లు పేర్కొన్నారు. వారి వద్ద నుంచి రూ.21,960 నగదు, 5 బైక్ లు, 4 సెల్ ఫోన్లు స్వాధీనం చేసుకున్నట్లు వెల్లడించారు. తదుపరి చర్యల కోసం ఆర్మూర్ ఎస్హెచ్వోకు అప్పగించినట్లు చెప్పారు.
