అక్షరటుడే, ఆర్మూర్: పట్టణ పోలీస్ స్టేషన్ పరిధిలోని కొటార్మూర్ ప్రాంతంలో పేకాట స్థావరంపై టాస్క్ ఫోర్స్ పోలీసులు మంగళవారం దాడులు నిర్వహించారు. సీపీ ఆదేశాల మేరకు సీఐ పురుషోత్తం సిబ్బందితో కలిసి తనిఖీ చేశారు. పేకాడుతున్న 8 మందిని అరెస్టు చేశారు. వారి వద్ద నుంచి రూ.67,740 నగదు, 8 సెల్ ఫోన్లు స్వాధీనం చేసుకున్నట్లు పోలీసులు తెలిపారు. తదుపరి చర్యల నిమిత్తం ఆర్మూర్ ఎస్ హెచ్ వోకు అప్పగించారు. తనిఖీల్లో సిబ్బంది సుదర్శన్, అనిల్ కుమార్, సుధాకర్, ఆజాం పాల్గొన్నారు.
