టీయూడబ్ల్యూజే అడహక్‌ కమిటీ కన్వీనర్ల నియామకం

అక్షరటుడే, వెబ్‌డెస్క్‌: తెలంగాణ యూనియన్‌ ఆఫ్‌ వర్కింగ్‌ జర్నలిస్ట్స్‌(టీయూడబ్ల్యూజే-ఐజేయూ) ఆదిలాబాద్‌ జిల్లా అడహక్‌ కమిటీ కన్వీనర్‌గా పి.దేవిదాస్‌(వీ6), కో-కన్వీనర్‌గా ఎం.రాజేశ్వర్‌ (ఆంధ్రజ్యోతి, స్టాఫ్‌ రిపోర్టర్‌) ఎన్నికయ్యారు. ఈ మేరకు యూనియన్‌ రాష్ట్ర కమిటీ అధ్యక్షుడు విరాహత్‌ అలీ, ప్రధాన కార్యదర్శి రాంనారాయణరెడ్డి ఒక ప్రకటనలో తెలిపారు. రాష్ట్ర కార్యవర్గంలో ఆదిలాబాద్‌ జిల్లా అడహక్‌ కమిటీని ఏర్పాటు చేస్తూ తీర్మానించినట్లు పేర్కొన్నారు. ప్రెస్‌ అకాడమీ ఛైర్మన్‌, యూనియన్‌ జాతీయ ఇండియా అధ్యక్షుడు కె.శ్రీనివాస్‌ రెడ్డి నేతృత్వంలో జర్నలిస్టుల సంక్షేమానికి కృషి చేస్తామన్నారు.