అక్షరటుడే, వెబ్డెస్క్: ఢిల్లీ అసెంబ్లీ ఎన్నికల్లో బీజేపీ చరిత్రను తిరగరాసింది. 26 సుదీర్ఘ నిరీక్షణకు తెరదించుతూ మోదీ సారథ్యంలో బీజేపీ.. ‘ఆప్’ను ఊడ్చేసింది. 12 ఏళ్ల ఆమ్ఆద్మీ పార్టీ పాలనకు ఢిల్లీ ప్రజలు చరమగీతం పాడారు. మ్యాజిక్ ఫిగర్ను అవలీలగా దాటేసి ఢిల్లీలో పాలన సాగించేందుకు బీజేపీ సిద్ధమైంది. 70 అసెంబ్లీ స్థానాలకు గాను 48 స్థానాల్లో బీజేపీ పాగా వేయగా.. 22 స్థానాల్లో ఆమ్ ఆద్మీపార్టీ అభ్యర్థులు విజయం సాధించారు. అయితే ఢిల్లీలో మోదీ డబుల్ ఇంజిన్ సర్కారు నినాదం బలంగా ప్రజల్లోకి వెళ్లిందని రాజకీయ విశ్లేషకులు పేర్కొంటున్నారు. ఎప్పుడూ లేని విధంగా బీజేపీకి దళిత, ఓబీసీ ఓటర్ల మద్దతు లభించింది.
విడిగా పోటీ చేసి దెబ్బతిన్న కాంగ్రెస్, ఆప్
ఢిల్లీలో ఆమ్ఆద్మీ పార్టీ, కాంగ్రెస్ పార్టీలు విడివిడిగా పోటీ చేయడం బాగా దెబ్బతీసిందని.. దీంతో బేజేపీ లాభపడిందని రాజకీయ విశ్లేషకులు చెబుతున్నారు. మరోవైపు లిక్కర్స్కాం, శీష్ మహల్ అంశాలు సైతం ఆప్ ప్రతిష్టను మసకబారేలా చేశాయని పేర్కొంటున్నారు.
