అక్షరటుడే, నిజామాబాద్‌అర్బన్‌: జిల్లా కేంద్రంలోని ప్రభుత్వ జనరల్‌ ఆస్పత్రిలో బోనాల పండుగను ఘనంగా నిర్వహించారు. ఆస్పత్రి సానిటేషన్‌ సిబ్బంది ఆధ్వర్యంలో బోనాలను ఊరేగించగా.. జీజీహెచ్‌ సూపరింటెండెంట్‌ ప్రతిమారాజ్‌ బోనం ఎత్తారు. ఆస్పత్రి నుంచి బోనాలను ఊరేగింపుగా మెడికల్‌ కళాశాల వరకు తీసుకెళ్లి అమ్మవారి ఆలయంలో సమర్పించారు. ఈ సందర్భంగా అమ్మవారికి మొక్కులు తీర్చుకున్నారు. కార్యక్రమంలో యూనియన్‌ నాయకులు ఓమయ్య, సుధాకర్‌, కార్మికులు తదితరులు పాల్గొన్నారు.
